Көгiлдiр көлден не пайда?
Жағасы жайсыз жар болса,
Суы ашық балық аз,
Жиегі тайыз тар болса!

Көк аспаннан не пайда?
Көгiнде күн күлмесе,
Қыздар жиған мақтадай
Ақша бұлттар жүрмесе!

Биік таудан не пайда?
Шыныңда аққар жатпаса,
Сылдырап аққан тау суын
Сүйсынып балдай татпаса!

Шайкалған балдан не пайда?
Жемiсiн жазда татпаса,
Шаршап бiр келiп жұмыстан
Саясында жатпаса!

Жарық күннен не пайда?
Үйіңде таңың атпаса.
Бұл өмiрде қызық не?
Бұзығын шулап жатпаса

Байлықтан жиған не пайда?
Артыңда ұрпақ қалмаса.
Түн ұйқынды бөлгізген,
Сәбиден қолын талмаса!

Ер жiгiттен не пайда?
Қолына қару алмаса.
Елiн, жарын, туғаннын
Дұшпанан сақтап қалмаса!

Аталы ұлдан не пайда?
Баталы сөздi ұқпаса.
Арақ iшiп мас болып,
Үлкенді үлгi тұтпаса!

Бір туғаннан не пайда?
Бірлігі оның болмаса.
Ыстыққа бірге жылынып,
Суыққа бірге тоңбаса!

Ағайыннан не пайда?
Көре алмай сенi күндесе.
Фалидін жалған екенiн
Тiрлiкті ойлап бiлмесе!

Сансыз достан не пайда?
Жаныңды сенiң сезбесе.
Шындықты бiрге іздесіп,
Қиыдыққа төзбесе!

Жастық шақтан не пайда?
Жалындап бір жанбаса.
Айлы түнде қыдырып,
Махаббатқа қанбаса!

Кәрiлiктен не пайда?
Қартайып қызық көрмесе.
Асырап баққан ұл-қызын
Қарызыңды өтеп бермесе!

Сұлу қыздан не пайда?
Ресторан жанын торласа.
Доллар үшiн ар кіммен,
Ар намысын қорласа!

Сұлу жардан не пайда?
Тiрлiкте iсi болмаса,
Iздеп бiр досын келгенде
Iйiлiп төсек салмаса!

Көп бiлгенен не пайда?
Пайдасыз iште сақтасан,
Жастарды жиып қасыңа,
Бiлгенiңді айтпасаң!