Незалежны мастак. Пішу сцэнарыі да кінафільмаў, тэксты песень, кароткія апавяданні. Фатаграфую і здымаю відэа. Манцірую і агучваю відэазапісы

Мастацтва, асабліва літаратура, кіно і эстрада, а таксама навукі: філасофія і псіхалогія. У псіхалогіі найбольш цікавіць паводніцкі бок чалавека: залежнасць учынкаў і светаадчування ад знешніх абставін, асяроддзя, у якім рос індывід і выхоўвалася чалавечая асоба, і здольнасць мяняць свае паводзіны ў працэсе самаразвіцця і самавыхавання

Класічныя напрамкі эстрады: стылі 60-90-х гадоў ХХ стагоддзя. Але больш за ўсё люблю аўтарскую песню, дзе галоўным кампанентам з'яўляецца верш, напоўнены глыбокім сэнсам. Улюбёныя аўтары-выканаўцы: Уладзімір Высоцкі, Аляксандр Дольскі, Аляксандр Разянбаўм, Алег Атаманенка, Булат Акуджава

З айчынных - фільмы Эльдара Разанава, акрамя "Нябёсаў запаветных" (бо папахвае палітычнай кан'юнктурай), камедыі Леаніда Гайдая, усе фільмы Марка Захарава, фільмы Георгія Юнгвальд-Хількевіча, карціны Андрэя Таркоўскага "Іванава дзяцінства" і "Салярыс", дзіцячыя кінастужкі "Пітэр Пэн", "Пэпі Доўгаяпанчоха", "Мэры Попінс, да пабачэння!", "Прыгоды Электроніка", "Госця з будучыні", "Прыгоды Пятрова і Васечкіна..." і "Канікулы Пятрова і Васечкіна...", "Вялікая прыгода" і іншыя. З замежных - "Знесеныя ветрам", "Зорныя войны", чацвёрты фільм "Моцнага арэшка", "Аскар", "Персанаж". З серыялаў - "Мянты" ("Вуліцы разбітых ліхтароў"), "Закрытая школа", "Анёл ці дэман", "Чорная лагуна", "Spadla z oblakov" ("Прыгоды ў канікулы"), "Порах і шрот" і некаторыя іншыя

Творы Льва Талстога, Эрнеста Хемінгуэя, Кіра Булычова і Артура Конан-Дойла, раманы "Знесеныя ветрам" Маргарэт Мічал і "Вялікая вайна" Энтана Майрэра

У тэлешоу не адлюстроўваюцца лепшыя бакі жыцця і лепшыя чалавечыя якасці. Таму глядзець тэлешоу не цікава, акрамя, бадай, "Сакрэту на мільён". Там, бывае, адкрываеш штосьці новае ў чалавечых характарах

"Хочаце годна жыць і зарабляць - стварыце сабе рабочае месца!"