SocialProfiles / VK Люди

Описание: Ван – тұрғындары ата-баба дәстүрін қатаң ұстанатын Түркиядағы қалалардың бірі. Мұнда тек дәстүрге ғана бағынады. Фильм режиссері Құдрет Сабанжының фильмді дәл осы тарихи қалада түсіруіне түрткі болған негізгі себеп те осы болуы мүмкін. Картина салт-дәстүрлерді ұстанудың күрделілігі мен жаңа буынның оған қарсылығы және жас жігіттің ғасырлар бойы қалыптасқан қағидаға қарсы тұруға талпынуы жөнінде.
Мұрат Йылдырым ойнайтын хикаяның басты кейіпкері Саваш Балдар да осы қалада туып, ержеткен. Ол дәулетті де, қадірлі отбасының мүшесі. Кәмелетке толған соң, Саваш шетелге оқуға кетеді. Алайда, тағдырдың жазуымен ол туған жеріне оралады. Әкесі мен ағасының қайғылы қазасынан кейін, ол әулет иесі ретінде өз ағасының жесір әйеліне үйленуге мәжбүр болады. Өзі басқа қызды сүйетініне қарамастан, отбасын ұят пен келіннің әкесінің кек алуынан қорғау мақсатында, Саваш отбасылық тәртіптерге мойынұсынуға мәжбүр болады. Осылайша, ол екі әулеттің арасындағы өшпенділік пен қантөгістің алдын алады. Ол сондай-ақ, өзінің махаббат пен сезім туралы түсінігін толықтай өзгерткен әйел — Ясминге ғашық, және өз арманынан бас тартпақ емес. Ол қызды он екі ай бойы іздеп, ақыры табады. Саваш Ясминге жүрек сырын ашады. Ясмин үш рет келісім береді. Алайда Ясмин оның өмірі туралы бар шындықты білмейді. Саваш тіпті ұлы бар екенінен де бейхабар. Оларды алда алдап-арбау, зымияндық, өтірік пен сатқындық күтуде. Махаббаттың бар екенін мойындаған екі жас өткен өмірдің құпиясы олардың махаббатына қарсы тұра ала ма? Олар бірге болуы үшін үнемі күресе ала ма? Өз жолдарында кездескен барлық сәтсіздікті жеңе ала ма?