Ислам.Таухид үмметі...
Описание: Ислам дінінің іргетасы таухид сенімі. Таухид – Аллаh жалғыз дегенді білдіреді. Қасиетті Құранда бұл ақиқат былай деп баян етілген: «Сендердің құдайларың – жалғыз бір Құдай. Одан өзге тәңір жоқ»(«Бақара» сүресі, 163-аят).Иә, Аллаh Тағала –жалғыз. Оның теңдесі, ұқсасы немесе серігі жоқ. Ол тумаған, туылмаған. Жалғыздық Құдайға жарасады деген мәтел осы сенімді білдіреді. Біз көріп тұрған және бәзге көрінбейтін барлық нәрсенің жаратушысы Жалғыз Аллаh. Жаратуда да Аллаh жалғыз. Одан өзге жаратушы жоқ. Аллаh бүкіл кемшілік, нұқсандық атаулыдан пәк.Құлшылық тек Аллаhkа ғана жасалады. Одан өзгеге құлшылық жасауға болмайды. Таухид сенімі «Ықылас» сүресінде былай деп баян етілген: «(Оларға) айт: Ол –Аллаһ, нағыз жалғыз Құдай. Аллаһ –Самад (Өзі ештеңеге мұқтаж емес, алайда барлық жаратылыс түп-түгел Оған мұқтаж). Ол тумаған да, туылмаған Сондай-ақ Оған тең келетін ешкім де, еш нәрсе де жоқ» («Ықылас» сүресі, 1-4-аяттар).