SocialProfiles / VK Люди

Описание: ЭТНАЎСЁ - гэта анлайн-база дадзеных публікацый па этнаграфіі Беларусі.

Акрамя таго, гэта сацыяльна-культурны праект, які мае на мэце:
- аб'яднанне прафесіяналаў і аматараў, якім не абыякавы стан беларускай традыцыйнай культуры
- сістэматызацыю матэрыялаў па этнаграфіі праз краўдсорсінг
- стварэнне ўстойлівай мадэлі фінансавання культурніцкіх і выдавецкіх праектаў у галіне традыцыйнай культуры.

Анлайн-медыятэка ўтрымлівае публікацыі па этнаграфіі (аўдыё, відэа, кнігі, прэса) па рэгіёнах, тэмах, персаналіях, калектывах. На публічным сайце дасяжныя пошук, каталогі і апісанні публікацый. Азнаёміцца з іх зместам можна ў рэжыме бібліятэкі.

Падобнай базы няма ні ў беларускіх профільных установаў, ні ў суседніх краінах. Але мы пакуль не прэтэндуем на 100% ахоп: неапрацаваных матэрыялаў яшчэ вельмі многа дый новыя матэрыялы зьяўляюцца рэгулярна. Таму нам патрэбная вашая дапамога!

Хочаце дапамагчы? Дзейнічае спонсарская падпіска праз платформу talaka.by. Сабраныя грошы пойдуць на апрацоўку і далучэньне ў базу новых матэрыялаў, а таксама на тэхнічную і рэкламную падтрымку праекта.

Таксама можна далучыцца ў якасці валанцёра да апрацоўкі матэрыялаў, тэхнічнага ўдасканалення праекта, маркетынгавых і іншых актыўнасцяў (гл. спіс задач у апісанні праекта на Талацэ).

У праекце ўдзельнічаюць РГА "Студэнцкае этнаграфічнае таварыства" (ініцыятар), супрацоўнікі Кабінета традыцыйных культур БДАМ, Інстытута мастацтвазнаўства этнаграфіі і фальклёру АН РБ.

Мы прапануем далучацца прафесійных даследчыкаў і профільныя даследчыя ўстановы. Гатовыя аказаць тэхнічную падтрымку і бясплатную распрацоўку сучасных тэхнічных рашэнняў для вашых унутраных працэсаў (улік, апрацоўка матэрыялаў і г.д.).

Сайт праекта: http://ethno.by/
Праект на Талацэ: https://www.talaka.org/projects/2158/overview

Кантакты:
Каардынатар праекта ЭТНАЎСЁ
Яўген Барышнікаў
eugen@ethno.by
+375295571663