SocialProfiles / VK Люди

Описание: Шеъру сухан 12:05 🇹🇯🌱
Дар миёни мавҷи ғам сабру қарорам буда шеър
Марҳаме бар захмҳои бешуморам буда шеър

Дардҳоямро навиштам мӯ ба мӯву хат ба хат
Марҳами асрори ман ҳар лаҳза ёрам буда шеър

Дар азои орзуҳоям нишастам то саҳар
Ҳамдаму ҳамсӯҳбати шабҳои торам буда шеър

Ханда бар сурат задам аммо миёни хилватам
Шоҳиди дилтангиву аҳволи зорам буда шеър

Дар миёни хонаам ҳатто ғариб афтодаам
Байни ин ғурбат маро аҳлу таборам буда шеър

Хаста аз бемеҳрии дунёву ин чархи фалак
Аз ғаму ғусса маро роҳи фирорам буда шеър

Дафтару худкор ман бошад маро санги сабур
Дилхуш аз инам ҳама дору надорам буда шеър!..