SocialProfiles / VK Люди

Описание: Пелемеш кундемем,
Мыйын шочмо мландем.
Тый улат мыланем,
Эн мотор вер -шӧрем
Мокталтен муралтем,
Тиде мурым тылат.
Шӱм-чонемлан мотор,
Тые веле улат.

Пыл коклаште мардеж,
Ныжыл йӱрым конден.
Тек йӱреш лыжгыктен,
Мӧр аланым нӧртен.
Ал эҥыж куанен,
Йӱр вӱдеш лойзырген,
Кумылем ден моктен,
Сад-пакчаште погем.

Ӱжара волгалтеш,
Шеҥше олык вӱдеш,
Йӱр почеш карака,
Вӱд покшелне модеш.
Шӱшпык муро почеш,
Шергылтеш арама,
Тиде сем ден шырга,
Ош куп олык памаш.

Пелемеш ялыштем,
Поро калык ила.
Уло кумыл почеш,
Унаш толшым сийла.
Вашлиеш вуй савен,
Чоным почын онча,
Пелемеш калыкем,
Сайын порын ила.

(Сайтаева Галина Васильевна)