SocialProfiles / VK Люди

Описание: Россия Федерациясендә “Педагог һәм остаз” елы, Татарстанда “Милли мәдәниятләр һәм гореф-гадәтләр” елы уңаеннан ТРның Мәгариф һәм фән, Мәдәният, Яшьләр эшләре министрлыклары, Бөтендөнья татар конгрессы, Студентлар Лигасы, "Татмедиа" акционерлык җәмгыяте ярдәме белән оештырылган "Аулак өй - көрәш" төбәкара проекты эшләп килә. Әлеге проектның максаты “Татарстан Республикасы Дәүләт телләрен һәм Татарстан Республикасында башка телләрне саклау, өйрәнү һәм үстерү” Дәүләт программасын гамәлгә ашыру, укучыларда әдәбиятка, сәнгатькә, халкыбызның гореф – гадәтләренә карата кызыксыну уяту, әдәби иҗатка сәләте булган яшьләрне ачыклау. Мәктәп укучылары, иҗат берләшмәләре, студентлар арасында уздырылган “Аулак өй - көрәш” әдәби бәйгесе меңәрләгән укучыларыбызга татар әдәбияте классикларын өйрәнергә, кулга китап алырга зур форсат тудырды. Әйтик, агымдагы елның 28 нче мартыннан 28 нче апрельгә кадәр Габдулла Тукайның иҗатын һәм тормыш юлын, кулга китап алып, 380 кеше өйрәнде. Каюм Насыйриның мәгърифәтчелек эшчәнлеге белән йөзләп укучы танышты.
“Аулак өй - көрәш” – 4 уеннан торган интеллектуал ярыш. “Йөзек салыш” уенында зирәклек соралса, “Йола күрсәтү” биреме катнашучының сәләтен ача, сәнгатькә кызыксыну, мәхәббәт уята.