SocialProfiles / VK Люди

Описание: Жетіарал ауылдық округіне қысқаша сипаттама «Жетіарал ауылдық округінің әкімі» мемлекеттік мекемесі өз қызметін Шығыс Қазақстан облысының жергілікті атқарушы органдары әкімдері туралы бірыңғай ережеге сәйкес, Қазақстан Республикасының 2001 жылғы 23 қаңтардағы № 198-11 «Қазақстан Республикасындағы жергілікті мемлекттік басқару туралы» Заңын 1999 жылғы 23 шілдедегі № 453-1 «Қазақстан Республикасындағы Мемлекеттік қызмет туралы» Заңын басшылыққа алып үйлестіреді. Қазақстан Республикасының Конституциясын, Қазақстан Республикасының Заңдарын, Қазақстан Республикасы Президентінің Жарлықтарын, басқа мемлекеттік органдардың актілерін орындауды ұйымдастырады, азаматтардың заң қорғайтын құқыларын,бостандығы мен мүдделерін қорғауды қамтамасыз ете отырып, ауылдың әлеуметтік – экономикалық дамуын қамтамасыз етеді. Мекемеде 5 мемлекеттік, 12 мемлекеттік емес қызметкерлер жұмыс атқарады. 6 жоғары білімді, 7 арнаулы орта білімді, 4 жалпы орта білімді. Ауылдық округ төрт елді мекеннен тұрады. Жетіарал, Асусай, Қамысты және Жалғыз-тал елді мекендері. Округ халқының этникалық құрамы 100 % қазақтар. Әлеуметтік салада 2 орта мектеп, 1 орталау мектеп,1 бастауыш мектеп, 1 ЖДА және 3 фельдшерлік пункт, 1 мәдениет үйі, 1 кітапхана бар. Халықтың негізгі кәсібі – мал шаруашылығы, жыл сайын мал басы мен оның өнімдерін өндіру ұлғайып келеді. Округ қой мен ірі қараның саны бойынша ауданда жетекші орында тұр. Шаруа қожалықтардың иелігінде 973,6 га егістік, 701,7 га шабындық, 41681,5 га жайылымдық, жиыны 43356,7 га ауыл шаруашылық жері бар. Округте 10 сауда дүкені 1 наубайхана, 1 кондитерлік цех халыққа қызмет көрсетеді. Мал шаруашылығын дамытуда «Алтай мериносы» бағытында асылдандыру жұмысы жүргізілуде. 2 су кооперативі құрылған. Жетіарал ауылдық округі Шығыс Қазақстан облысының оңтүстік шығысында Тарбағатай жоталары мен Зайсан қазан шұңқырының арасында орналасқан. Округ солтүстігінде Қарасу ауылдық округімен, шығысында Маңырақ ауылдық округімен, оңтүстігінде Жаңа-ауыл ауылдық округі және Қытай Халық Республикасымен, батысында Құйған ауылдық округімен шектеседі.