SocialProfiles / VK Люди

Описание: КТК-да кезекті премьера! Үнді сериалын сүйіп көретіндер үшін біздің телеарна махаббат пен машақатқа толы жаңа туындыны ұсынады. Ол «Тағдырмен тартыс» деп аталады. Бай-бағландардың бассыздығын бейнелейтін сериалда қатігез жандардың қанаушылығы мен қарапайым халықтың қасіреті көрсетілмек. Шиеленіскен тағдырлар, тосын жайлар көрініс беретін жаңа телехикаяны әйгілі «Келін» сериалының авторлары ұсынып отыр.

Ол – осы төңіректегі ең бай адам. Ауылдың әкімі әрі бүкіл плантацияның жалғыз иесі. «Бхаяджи» десе еңкейген кәріден еңбектеген балаға дейін жаны қалмай, зыр жүгіреді.

-Әке-шешең де, бәрің де менің иелігімдесіңдер! Жоғал! Қуып жіберіңдер мынаны! Үй маңына жоламасын!

Сырты жылтыр болғанымен, қол астындағы жұмысшыларын құлға айналдырған басшы ел-жұртты қанаумен болады. Тіпті, байлығының арқасында бүкіл елді билеп-төстеп, таңертеңнен қара кешке дейін ауыр жұмысқа жегеді. Көнбегенін қамшымен сабайды.

Кедейлерді қанаумен күн көрген әкім, шын мәнісінде, шенеунік атын жамылған қылмыскер боп шығады. Тек бір ауылға ғана емес, бүкіл ел-жұртқа зияны тиген одан, тіпті, туған анасы да зардап шегеді.

-Сен билеп тұрғанда, ешкім де бақытты бола алмайды!

Ешкімге бет қаратпаған байға тек Кастори есімді келіншек қарсы тұрады. Өзі жүкті болса да, қайсар мінезді әйел алпауытпен арпалысқа түседі.Телехикая болған оқиға желісімен түсірілген. Тартысқа толы сериал үнді елінің қиыншылығы мол тіршілігін суреттейді. Қалашықта тұрып, бір жапырақ нанмен күнелткен жұрттың жағдайы жан түршіктіреді. Мұнда тіпті әлі туылмаған бала да саудаланады.

-Баланы беруге дайын бол! Ақшаны ала бер!

Тығырыққа тірелген кедей-кепшікке кім көмекке келеді? Айы-күні толған келіншек елді билеп-төстеген бай-бағландардың жазасын бере ала ма? Адамды баурап алар тосын жайларға толы жаңа телехикаяны әйгілі «Келін» сериалының авторлары ұсынып отыр. 15 маусымнан бастап, дүйсенбі мен бейсенбі аралығында, сағат 19-30-да, тек қана КТК арнасынан көріңіздер!