Пайғамбарымыздың(ﷺ) хадисінде: «Кімде-кім намазға жалқаулық етіп, немқұрайлы қараса, ол адамға Алла Тағала 15-түрлі жаза береді. Олардың 6-уы осы дүниеде. 3-уі өлер кезде, 3-уі қабірде, 3-уі қабірден шыққан соңShow more», - делінген. Солардың ішінде, осы дүниеде алатын 6-жаза:
1. Ол кісінің дүниесінде, өмірінде береке болмас.
2. Алла Тағала ол кісінің жүзінен нұрын кетірер.
3. Істеген істеріне сауап жазылмас.
4. Алла Тағала ол кісінің дұғасын аспанға көтермейді.
5. Осы дүниеде адамдар арасында абыройсыз болар.
6. Ол кісі үшін біреудің еткен дұғасы қабыл болмас.
Жан тапсырар кездегі 3 жаза:
1. Жан тапсырар кезде қатты қиналар.
2. Барша дүниенің тамағын берсең де аш болып өлер.
3. Дүниедегі бар теңіздің суын берсең де, сусап, шөлдеп өлер.
Қабірде көретін 3 түрлі жаза:
1. Қабірі тар болар.
2. Қабірінің іші от болар.
3. Қабірде «шужағу-л ақрағ» деген жылан шағып азаптар.
Оның көзі оттан, тырнағы темірден, тырнағының ұзындығы бір күндік жолдай, даусы күркілдеген күндей қатты болар. Ол айтар: «Алла тағала сені таң намазын оқымағаның үшін бесін намазына дейін, бесін намазын оқымағаның үшін аср намазына дейін, аср намазын оқымағаның үшін шам намазына дейін, шам намазын оқымағаның үшін құптан намазына дейін тұрып азаптауды бұйырды». Азаптаушы жылан әрбір ұрғанында күнәһар адам алпыс қарыс жердің астына дейін кіріп кетер. Жылан тырнағын қайта суытып алып, қайта ұрар. Осылайша қиямет күніне дейін намаз оқымаған адамды азапқа салар.
Қиямет күні көретін үш түрлі азабы:
1. Ол кісінің жүзін қатты отқа күйдірер.
2. Есеп-қисап берер кезде Алла Тағала ашулы көзбен қарар.
3. Алла Тағала ол кісіге қатты есеп қылар да, тозақ отына тастауға әмір етер.

Орнына періште қажылық жасаған!

Имам Малик ибн Динардың (Алла ол кісіні рахметіне алсын) айтқаны:Show more «Бір жылы қажылыққа ниет етіп, ақша жинап қойдым.
Қажылыққа кетер алдын ауылмен қоштасып шығайын деген ниетпен аралап жүрдім. Қираған үйдің жанынан өтіп бара жатып, сол үйге кірген әйелді көрдім. Шығарда бірулерден жасырынғандай жан-жағына ұры көзбен қарап, өлген тауықты қолтығына қыстырып алып кетті. Маған оның не жасағалы жатқаны қызық көрініп, соңынан қалмай жүріп отырдым. Есіктен үйіне кіре бергенінде бірнеше аш-жалаңаш балалар алдынан жүгіріп шығып: «Анашым! Бізге жейтін бір нәрсе әкелдіңіз ба?»,-деп сұрап жатты. Анасы мұңлы дауыспен: «Йә, сендерге бір тауық алып келдім. Қазір пісіріп беремін жейсіңдер»,-деді. Бұл жайды көріп таң қалдым. Әлгі әйелдің не үшін бұлай істегенін білгім келді. Әйелдің үйіне жақын келіп, оған: «Қазір сенің артыңнан аңдып келдім. Өлген тауықты алғаныңды көрдім. Оны жеу күнә ғой. Неге бұлай істедің?»,-дедім.
Ол: «Қанша күннен бері нәр татқан жоқпыз. Үйде жейтін еш нәрсе қалмады. Көршіміз ет пісірген еді, сол еттің исі балаларымды мұңайтты. Сосын тапқаным осы болды»,-деді.
Мұны естіп, жаным ашып, қажылыққа деп жинап қойған он мың дирхам ақшамды соған бердім.
Қажылар қажылықтан қайтып жатқан уақытта солармен дидарласып қалайын деген ниетпен алдарынан шықтым. Мені көріп: «Қажылығың қабыл болсын. Сен қашан келдің? Біз сені Минада және Арафада көрген едік»,-деп жатыр. «Қызық, мен Куфадамын ғой»,-дедім іштей таң қалып.
Солардың арасынан бір кісі келіп: «Сіз Малик ибн Динарсыз ба?»,-деп сұрады.
«Иә!»,-дедім. Содан кейін ол: «Мына ақшаны санап алыңыз, сізге беруім керек болған аманат. Қажылықта шатырда отырған кезімде бір кісі келіп: «Сіз Куфадансыз ба?»,-деді, Мен: «Йә»,-дегенімде, «Куфаға барғанда мына әмиянды Малик ибн Динарға беріңізші?»,-деп кетіп қалды"-деді.
Мен ақшаны алып санап қарасам тура он мың дирхам. Сол түні таңға жақын түсімде бір дауыс: «Сенің орныңа Періште қажылық жасады. Бұл дүниелік табысың, ахиреттегі табысың да сақтаулы»,-деген дауысты естідім" -деді.