Очулга Альберт Маадыр-оолдуу
Адазының чагыы.
Д.Р. Киплинг
Хөй-ле чонуң чаңгыс сени буруудаткаш
Хөрек –чүрээң ажыңнадыр сөглезе-даа,
Сеңээ удур өртемчей-даа туруп алза,
Сегиржип ал, халас черле дүжүп бербе!
Үең ам-даа кэлбээн болза ам-даа шыдаш,
Үен-даян нүгүлдерге бүзүреве.
Өршээп шыда, ынчалза-даа өскелерге
Өндур-бедик кижи мен деп көөргетинме!
Сагыштаалап, боданып чор ынчалза-даа
Сагыжыңның кулу болба – өйүңнү бил.
“Дедир сен” деп, “эки сен” деп сөглезе-даа,
Деңге хүлээ, алызында меге деп бил!
Муңгарава – кажан сээң-не сөстериңни,
Мугулайлар өскээр баштап, ажыглапкаш,
Хамык чүвең хуюкталдыр узуткапса,
Катап база эгезинден эгелей бер!
Адаанашкаш, өөрүшкүге идегепкеш,
Бар-ла сенде өнчү-күжүң салывыткаш,
Байгы бодуң артар кылдыр ойнадыпкаш,
Алызындан муңгарава, дүжүп бербе!Show more
Адазының чагыы.
Д.Р. Киплинг
Хөй-ле чонуң чаңгыс сени буруудаткаш
Хөрек –чүрээң ажыңнадыр сөглезе-даа,
Сеңээ удур өртемчей-даа туруп алза,
Сегиржип ал, халас черле дүжүп бербе!
Үең ам-даа кэлбээн болза ам-даа шыдаш,
Үен-даян нүгүлдерге бүзүреве.
Өршээп шыда, ынчалза-даа өскелерге
Өндур-бедик кижи мен деп көөргетинме!
Сагыштаалап, боданып чор ынчалза-даа
Сагыжыңның кулу болба – өйүңнү бил.
“Дедир сен” деп, “эки сен” деп сөглезе-даа,
Деңге хүлээ, алызында меге деп бил!
Муңгарава – кажан сээң-не сөстериңни,
Мугулайлар өскээр баштап, ажыглапкаш,
Хамык чүвең хуюкталдыр узуткапса,
Катап база эгезинден эгелей бер!
Адаанашкаш, өөрүшкүге идегепкеш,
Бар-ла сенде өнчү-күжүң салывыткаш,
Байгы бодуң артар кылдыр ойнадыпкаш,
Алызындан муңгарава, дүжүп бербе!Show more