Педагогика факультеті мемлекеттің білім беру саласындағы стратегиялық мақсаты – әрбір адамның өмір бойы білім алуына мүмкіндік туғызу жолында қызмет етуде. Болашақ педагогтарға ұстаз мамандығының қыр-сырын меңгерту арқылы, факультет ұжымы әр студенттің жүрегіне отан, ұрпақ және ұлт болашағы үшін жауапкершілікті сіңіруде. Бұл – интеллектуалды ұлт қалыптастыру аясында қойылып отырған негізгі үш міндет шеңберінде: білім, ғылым, инновация – жүзеге асырылуда. Факультеттің педагогикалық ұжымы аға ұрпақ тәжірибесіне сүйене отырып, жастардың іскерлік әлеуетін тиімді пайдалану арқылы, нәтижеге бағдарланған педагогикалық қызметті институттың даму стратегиясына сәйкес, заманауи тұрғыда, шеберлікпен атқаруда.
Педагогика факультетінің құрылымы: факультетте 6 кафедра 6 мамандық бойынша болашақ педагогтарды даярлайды: - "Психология және акмеология" кафедрасы 5В050300-Психология, 5В010300-Педагогика және психология мамандықтарын; - "Әлеуметтік педагогика және өзін-өзі тану" кафедрасы 5В012300-Әлеуметтік педагогика және өзін-өзі тану мамандығын; - "Педагогика және бастауыш оқыту әдістемесі" кафедрасы 5В010200-Бастауыш оқытудың педагогикасы мен әдістемесі мамандығын; - "Мектепке дейінгі педагогика" кафедрасы 5В010100-Мектепке дейінгі оқыту және тәрбиелеу мамандарын; - "Арнайы педагогика" кафедрасы 5В010500-Дефектология мамандығын; - "Жалпы педагогика және психология" кафедрасы – жалпыинституттық қызмет көрсету кафедрасы болып табылады.
"Өмір бойы білім алу" әрбір қазақстандықтардың жеке кредосына айналуы тиіс"
Н.Ә.Назарбаев