'Tural Azerbaijan' – Azərbaycanda ilk LGBT mövzusunda yazılar hazırlayan bloqerdir. 2010-cu ildə geylərin həyatını, yaşadıqları çətinlikləri yazıya alır. Ardında bu mövzuda maarifləndirici məqalələr hazırlayaraq, yerli xəbər portallarında bu yazıların dərc olunmasına nail olur. Azərbaycan müsəlman ölkəsidir və keçmiş milli dəyərlərinə (mentalitetə) bağlıdır. Ona görə də, yazarın bu mücadilədə qarşılaşdığı çətinliklər də olur. Buna baxmayaraq, Tural insanlara həqiqətləri çatdırmaqda davam edir, bir çox halda da bunu bacarır. Özün dərk etməkdə çətinlik çəkən xeyli sayda homoseksual gəncə məlumat verir, psixoloji yardım göstərir. Ölkədəki homofobiya dalğasına az da olsa təsir göstərə bilir. Eyni zamanda yerli LGBT təşkilatının yaranmasında da yardımçı olur.Hazırda LGBT mövzusunda yazılar dərc edən onlayn jurnalın (Bakının 7 Rəngi) müəllifidir. ‘Tural Azerbaijan’ olaraq tanınan gənc yazar 1994-cü il, 30 mart dünyaya gəlib. Geydir. Film izləməyi, maraqlı yazılar oxumağı, elmi araşdırmalar aparmağı çox xoşlayır. Ən sevdiyi film real həyat hekayəsi əsasında çəkilən “Prayers for Bobby” filmidir. Ən çox sevdiyi müğənni isə Lady Gaga’dır. Ölkənin əsas və ilk LGBT aktivisti olan Turalın əsas məqsədi sevginin qalib gəlməsi, homofobiya və nifrətin sıfıra enməsidir.